 |
The Care of a Family Man, by Franz Kafka
|
|
juH vav SaHtaHghach
,ghItlhta'bogh ((vIranchI qavqa))
jatlh vay', ((Sulav)) Holvo' ghoSpu' (('oDraDeq)) mu', 'ej net wuvtaHvIS mu'vam chenlu'ghach QIj net nID. SIghpu' neH ((Sulav)) Hol, 'ach ((jarman)) Holvo' ghoSpu', net Harqa' latlh. Honlaw'mo' Hoch cha' nger, qarbe' cha' net tu','ej cha'vo' Doch Hechbogh mu'vam tu'laHbe'chu' Hoch.
toH, pojmeyqoqvam buSnISbe' Hoch, ngoDDaq (('oDraDeq)) pong'eghbogh Dep tu'lu'be'chugh. wa'DIch loQ leghDI', HovbeQvo' chenpu'bogh tlheghHomboSwI' rur, 'ej ghaHDaq tlheghHommey boSta'chu', teHlaw' net. toH, Dejpu' tlheghHommeyvam, ngo' bIH, 'ej bIH baghchuqlu'pu', 'ach tlheghHommey Sarqu' ghomchuqlu'. 'ach Hovvam botlhvo' narghtaHmo' naQHom, 'ej 'oH movlu'taHmo' 'oHvaD chongbogh latlh naQHom, tlheghHomboSwI' neH 'oHbe'. cha' 'uSDu'Daj rurmo' wa' DopDaq naQHomvam cha'DIch latlh DopDaq Hov wa' DoQwI' je, chongtaHvIS QamlaHtaH Hoch porgh.
ben chenpu'ghach yajlaHbogh ghajchu' nganvam, 'ej DaH Qaw'lu'pu' neH, net Harqang. 'ach qarbe'law' vuDvam; vuDvam tob pagh; vuDvam chupmeH rInbe'bogh Doch, Doch ghorlu'pu'bogh joq tu'lu'be'. toH, pagh Hechlaw' Hoch, 'ach ghaHDaq rIn'eghchu'taH. DIch ghajlaHbe' Hoch, motlhbe'qu'taHvIS nom vIHmo' (('oDraDeq)), 'ej Hoch jonmoHbe' ghaH.
pa'Daq toSmoHwI'Daq vaSHomDaq lojmItDaq joq lengqa' ghaH. qaStaHvIS jarmey, pIj ghaH tu'lu'be'; vaj chaq latlh juHmey ghoSpu'law'; 'ach reH juHmaj cheghqa'chu'. pIj lojmItvo' gho'ta'DI' vay' 'ej bIngDaq ghoproQmoHwI' roQ'eghtaHDI', ghaHvaD jatlh neHchoH. toH, ghaHvaD Doch Qatlh yu'be', ramqu'mo' ghaH HuqtaHvIS, puq ghaH net qel. [[ ponglIj nuq jay'? ]] yu'. [[ (('oDraDeq)) ]] jatlh ghaH. [[ 'ej nuqDaq bIyIntaH?]] [[ reH juHwIj tu'be'lu' ]] jatlh ghaH 'ej Hagh ghaH; 'ach HaghtaHghach lIngbogh tagh ghajbe'bogh nuv rur HaghtaHghachvam. pumpu'bogh Sor rurtaHvIS, QIchmey chenmoH. 'ej pIj Dochvammo' rInchoH ja'chuqghach. rut jangbe'taH ghaH; qaStaHvIS poHmey law' tamtaHDI', ghaH chenmoHbogh Sor rur ghaH.
ghaHDaq qaS nuq, bong vIthlob'egh. HeghlaH'a' ghaH jay'? yIn ngoQ rurbogh Doch, vangtaHghach rurbogh Doch joq ghajpu' Heghbogh nuv; 'ach bIHvaD Qaw''egh Hoch. 'ach (('oDraDeq))vaD qarbe' Dochvam. vaj reH toSmoHwI' bIngDaq, puqpu'wI', puqpu'wI' puqpu' je qamDu'Daq QottaH'a', tlheghHommey tlha''eghmoHtaHvIS? HochvaD jochbe'bej ghaH; 'ach jIHeghpu'DI' yIntaH ghaH. jIHvaD 'oy' munob qechvam.
,mughta'bogh ((SIng)).
NOTE: It is unfortunate that there is no word meaning "fallen leaves" in any text I have ever read. And so, I had to use "pumpu'bogh Sor" for it, that means "tree that has fallen", i. e. "fallen tree".
Because of the short of known Klingon words, there are many awkward expressions in this text. see below:
| Original German | English | awkward Klingon |
| Farbe | color | omitted |
| Gebilde | shape | chenpu'ghach |
| gefallenes Blatt | fallen leave | pumpu'bogh Sor |
| Geländer | banister | ghoproQmoHwI' |
| Lachen | laughter | HaghtaHghach |
| natülich | of course | toH |
| Sorge | care | SaHtaHghach |
| Tätigkeit | activity | vangtaHghach |
| Treppe (Treppenhaus) | stair (stairway) | toSmoHwI' |
| wirklich | actually | ngoDDaq |
| Zwirn | thread | tlheghHom |
| Zwirnspule | spool for thread | tlheghHomboSwI' |
| ...etc. | | |
I hope that more words will be discovered some dey.
puSqu'mo' tlhIngan mu'mey luSovlu'bogh, navvamDaq mu' qarHa' tu'lu'. nem mu' law' lupojlu'jaj.
Doch 3-DIch. tera' DIS 1996 jar 3-DIch jaj 24-DIch.
Doch 4-DIch. tera' DIS 1996 jar 9-DIch jaj 30-DIch.